Першы дзень навучальнага года 2024/2025 Аляксандр Лукашэнка правёў у Віцебскім дзяржаўным універсітэце імя П.М. Машэрава, дзе паразмаўляў са студэнтамі, узгадаў сваю любімую студэнцкую страву, а таксама выказаўся наконт савецкага ядзернага шчыта і заявіў аб неабходнасці правесці новую навукова-тэхнічную рэвалюцыю.
24 верасня Аляксандр Лукашэнка пабываў на палігоне Абуз-Лясноўскі, дзе Дзяржкамваенпрам прадставіў яму распрацоўкі прадпрыемстваў ваенна-прамысловага комплексу. Прэзідэнт Беларусі абазначыў формулу міру, назваў сучасную вайну вайной беспілотнікаў і заявіў аб неабходнасці ўзварушыць армію і прывесці яе ў ідэальны стан.
Праз тры дні, 27 верасня 2024 года, кіраўнік дзяржавы сустрэўся са студэнтамі ВНУ інжынерна-тэхнічнага профілю ў фармаце "Адкрыты мікрафон" у БДУІР, дзе анансаваў стварэнне беларускага мабільніка і паказаў, якім мабільным тэлефонам карыстаецца сам.
А яшчэ расказаў, што адсочвае, як у краіне праходзяць уступныя экзамены і размеркаванне выпускнікоў, падзяліўся думкамі аб ідэальным прэзідэнце і патлумачыў, чаму называе Беларусь кавалачкам зямлі.
Былі і заявы палітычнага характару: Лукашэнка назваў арганізатараў правакацыі ў Бучы, заявіў, што трэба спыняць канфлікт ва Украіне і дамаўляцца аб міры, і расказаў, хто са "збеглых" ніколі не вернецца ў Беларусь.
У кастрычніку беларускі лідар пабываў з працоўным візітам у Маскве. У сераду, 9 кастрычніка, прайшлі двухбаковыя перагаворы з расійскім калегам Уладзімірам Пуціным – спачатку ў пашыраным складзе, затым лідары паразмаўлялі адзін на адзін, а пасля адбылася цырымонія ўручэння Лукашэнкі ордэна Святога апостала Андрэя Першазванага.
Праз два тыдні, 23 кастрычніка 2024 года, Аляксандр Лукашэнка прыляцеў у Казань на XVI саміт БРІКС. На фота – у аэрапорце з кіраўніком Рэспублікі Татарстан Рустамам Мініханавым, які яго сустрэў.
У той самы дзень была названа дата прэзідэнцкіх выбараў у Беларусі, Аляксандр Лукашэнка паведаміў, што прыняў рашэнне балаціравацца на новы тэрмін.
На палях саміту кіраўнік дзяржавы даў інтэрв’ю журналісту Бі-бі-сі Сцівену Розенбергу і журналістцы ВДТРК Вользе Скабеевай: аб удзеле ў БРІКС, украінскім канфлікце, ядзернай зброі, адносінах з Захадам, і памілаванні асуджаных.
Крыху больш чым праз месяц, 28 лістапада, Аляксандр Лукашэнка прыняў удзел у саміце АДКБ у Астане.
У сваім выступленні на саміце беларускі лідар закрануў тэмы шматпалярнасці, НАТАфікацыі Еўропы і свету, кантролю новых відаў зброі, "Зялёнай здзелкі" ЕС.
І абмеркаваў з расійскім прэзідэнтам найноўшую сістэму "Орешник" – яе ўпершыню выкарысталі незадоўга да саміту.
6 снежня 2024 года ў Мінск для ўдзелу ў Вышэйшым дзяржсавеце Саюзнай дзяржавы Беларусі і РФ прыляцеў Уладзімір Пуцін.
Пасяджэнне было прымеркавана да 25-годдзя Дагавора аб стварэнні Саюзнай дзяржавы. На ім была зацверджана Канцэпцыя бяспекі Саюзнай дзяржавы, падпісаны шэраг дакументаў.
Тады ж Аляксандр Лукашэнка папрасіў Уладзіміра Пуціна размясціць "Орешник" на тэрыторыі Беларусі – адказ расійскага лідара быў станоўчы.
А ўжо на наступны дзень, у суботу, беларускі лідар з сынам Мікалаем быў заўважаны на трыбуне "Мінск-Арэны" падчас шоу "Час нашых перамог". Як расказала прэс-сакратар кіраўніка дзяржавы Наталля Эйсмант, арганізацыя такога маштабнага шоу – гэта цалкам ідэя, задумка і даручэнне Аляксандра Лукашэнкі.
У сярэдзіне снежня ў беларускага лідара была вялікая замежная паездка: 14 снежня, кіраўнік дзяржавы накіраваўся з рабочым візітам у Султанат Аман, дзе правёў перагаворы з султанам Амана Хайтамам бен Тарэкам Аль Саідам у фармаце "адзін на адзін", а таксама ў пашыраным складзе. Бакі дамовіліся аб адкрыцці прамых авіязносін, а таксама аб прамысловай кааперацыі.
З Амана беларускі лідар 18 снежня накіраваўся ў ААЭ. Там ён правёў шэраг сустрэч, у тым ліку правёў сустрэчу з міністрам інвестыцый ААЭ Махамедам Хасанам Аль-Сувэйдзі, а ў нядзелю, 22 снежня, сустрэўся з прэзідэнтам ААЭ шэйхам Мухамедам бен Заідам аль-Нахаянам (на фота).
Пара дзён на перадышку – і 25 снежня Аляксандр Лукашэнка вылецеў у Санкт-Пецярбург, каб паўдзельнічаць у нефармальным саміце лідараў краін СНД і запланаваным на заўтра пасяджэнні Вышэйшага Еўразійскага эканамічнага савета.
У той жа дзень пасля саміту СНД Лукашэнка правёў перагаворы з Пуціным, а ўжо 26 снежня, размяўшыся з раніцы колкай дроў (на фота), прыняў удзел у саміце краін Еўразійскага эканамічнага саюза (ЕАЭС) і запрасіў калег па ЕАЭС на саміт у Мінск у маі наступнага года.
Праз месяц, 26 студзеня 2025 года, у Беларусі адбыліся прэзідэнцкія выбары. Паводле даных ЦВК Беларусі, Аляксандр Лукашэнка перамог на іх з вялікім адрывам.
У гэты дзень кіраўнік дзяржавы пасля таго, як прагаласаваў на выбарчым участку, даў прэс-канферэнцыю прадстаўнікам беларускіх і замежных СМІ.
Адказваючы на пытанні журналістаў, ён пажартаваў аб пераемніку, упершыню расказаў, як у яго з’явіўся шпіц Умка, і што да вучобы яго сына Мікалая ў Пекіне датычны старшыня КНР Сі Цзіньпін, прызнаўся, што не хацеў удзельнічаць у гэтых прэзідэнцкіх выбарах.
А таксама выказаўся наконт рэзалюцыі Еўрапарламента аб выбарах, заявіў аб гатоўнасці Беларусі да дыялогу з ЕС, расказаў, колькі "Орешников" трэба для бяспекі Беларусі, заклікаў улады Польшчы купляць трактары замест танкаў і паабяцаў падтрымаць міратворчыя намаганні Трампа.
Як і паабяцаў у дзень выбараў, свой першы візіт пасля перавыбрання Аляксандр Лукашэнка здзейсніў у Расію. 13 сакавіка адбыліся перагаворы прэзідэнтаў Расіі і Беларусі ў фармаце адзўін на адзін, а затым – сустрэча ў пашыраным складзе.
14 сакавіка беларускі лідар упершыню выступіў на пленарным пасяджэнні ў верхняй палаце расійскага парламента. Савет Федэрацыі Федэральнага Сходу Расіі ўзнагародзіў прэзідэнта Беларусі ганаровым знакам.
Урачыстая цырымонія інаўгурацыі прэзідэнта Беларусі адбылася ў аўторак, 25 сакавіка.
Спачатку кіраўнік дзяржавы прынёс прысягу – па традыцыі на беларускай мове. Пасля выканання дзяржаўнага гімна прэзідэнт падпісаў акт аб прынясенні прысягі. Потым кіраўнік ЦВК Беларусі ўручыў яму пасведчанне прэзідэнта Беларусі. Пасля беларускі лідар зрабіў невялікую прамову: ён падзякаваў саратнікам і звярнуўся да сапернікаў, абазначыў прыярытэты на будучую пяцігодку.
Паездкі па рэгіёнах – па святочных падставах або з інспекцыяй – кіраўнік дзяржавы здзяйсняе рэгулярна. На Вялікдзень у 2025 годзе (20 красавіка яго адначасова святкавалі і каталікі, і праваслаўныя) ён прыехаў у Талачын.
9 мая 2025 года прэзідэнт Беларусі з сынам Мікалаем былі на Краснай плошчы ў Маскве на ваенным парадзе, прысвечаным 80-годдзю Перамогі. А затым разам з іншымі замежнымі лідарамі ўсклаў кветкі да Магілы Невядомага Салдата ў Аляксандраўскім садзе.
Пасля завяршэння афіцыйных мерапрыемстваў у гонар 80-годдзя Перамогі ў Маскве Аляксандр Лукашэнка вылецеў у Мінск, дзе прыняў ваенны парад, які прайшоў вечарам каля стэлы "Мінск – горад-герой".
У пачатку чэрвеня беларускі лідар пабываў у Кітаі, дзе сустрэўся з прадстаўнікамі дзелавых колаў КНР, а потым са старшынёй КНР Сі Цзіньпінам. Кіраўнікі дзяржаў правялі рабочую сустрэчу ў фармаце чаявання і пагутарылі адзін на адзін. Старшыня КНР запрасіў беларускага прэзідэнта на саміт Шанхайскай арганізацыі супрацоўніцтва (ШАС) і парад у Пекіне, якія запланаваны на жнівень-верасень бягучага года.
А ў канцы месяца прымаў замежных лідараў у Мінску – у беларускай сталіцы 26-27 чэрвеня адбыўся IV Еўразійскі эканамічны форум.
На фота: старшыня Калегіі Еўразійскай эканамічнай камісіі Бакытжан Сагінтаеў, прэзідэнт Казахстана Касым-Жамарт Такаеў, спецыяльны прадстаўнік прэзідэнта Рэспублікі Нікарагуа па ўзаемадзеянні з РФ Лаўрэана Факунда Артэга Мурыльё, прэзідэнт Беларусі Аляксандр Лукашэнка, прэзідэнт РФ Уладзімір Пуцін, прэзідэнт Кубы Мігель Дыяс-Канель, прэзідэнт Кыргызстана Садыр Жапараў і старшыня Дзяржаўнага адміністрацыйнага савета М’янмы генерал Мін Аунг Хлайн (злева направа) на IV Еўразійскім эканамічным форуме ў Мінску.
З нагоды Дня Незалежнасці Рэспублікі Беларусь кіраўнік дзяржавы з сынамі прыняў удзел ва ўрачыстай цырымоніі на Кургане Славы і выступіў са зваротам да беларусаў. Пасля афіцыйнай часткі цырымоніі кіраўнік дзяржавы паразмаўляў з ветэранамі і дзеючымі ваеннаслужачымі.
25 ліпеня прэзідэнт Беларусі даў інтэрв’ю амерыканскаму часопісу Time. Аднак да 8 жніўня ні назва СМІ, ні імя інтэрв’юера – ім быў карэспандэнт выдання Сайман Шустар – не раскрываліся па просьбе самога часопіса.
Журналіст і пісьменнік Сайман Шустар вядомы як аўтар дзвюх кніг пра Уладзіміра Зяленскага, яму забаронены ўезд у Расію. Каб трапіць у Беларусь, ён пяць гадзін прастаяў на літоўскай мяжы.
Аляксандр Лукашэнка расказаў, як вёў перагаворы з ЗША, чаму прэзідэнту ЗША Дональду Трампу было б карысна з ім сустрэцца і як можа выглядаць сустрэча Пуціна, Трампа і Зяленскага.
Ён таксама заявіў, што ніхто не ведаў, што армія Расіі зойдзе ва Украіну з Беларусі, растлумачыў каштоўнасць Беларусі для Расіі, назваў аперацыю УСУ ў Курскай вобласці памылкай. А таксама выказаўся аб магчымасці выкарыстання ядзернай зброі, аб наступных прэзідэнцкіх выбарах і аб сітуацыі вакол Сувалкскага калідора.
1 жніўня Аляксандр Лукашэнка па традыцыі сустрэўся з Уладзімірам Пуціным на Валааме.
Лідары дзвюх краін пабывалі на малебне ў храме Смаленскай іконы Божай Маці, прэзідэнт Беларусі прапанаваў пабудаваць на Валааме беларускі храм.
У час сустрэчы было зроблена некалькі важных заяў: Уладзімір Пуцін паведаміў, што спецыялісты Расіі і Беларусі выбралі пазіцыі для ўстаноўкі "Орешника", ацаніў перагаворы ў Стамбуле і заявіў, што Расія ўдзячна Беларусі за дапамогу і падтрымку ў перагаворах па Украіне і абменах ваеннапалоннымі.
У сваю чаргу Аляксандр Лукашэнка раскрыў падрабязнасці аб беспілотніку, які ўпаў у Мінску, выказаўся аб праблемах суверэнітэту Украіны і расказаў аб дамоўленасці з расійскім калегам аб падключэнні Беларусі да перагаворнага працэсу.
Напярэдадні візіту ў КНР 22 жніўня беларускі лідар даў інтэрв’ю Медыякарпарацыі Кітая (на фота), пасля чаго паразмаўляў з беларускімі журналістамі.
Важныя заявы, якія прагучалі 22 жніўня:
мір ва Украіне блізкі як ніколі;
Беларусь будзе ваяваць толькі ў адным выпадку – калі на яе хтосьці нападзе;
расійскі лідар Уладзімір Пуцін не дазволіў нанесці ўдар з комплексу "Орешник" па вуліцы Банкавай у Кіеве;
аб перагаворах на Алясцы – Трамп выдатна сыграў ролю пасрэдніка;
Трамп можа атрымаць Нобелеўскую прэмію;
сувязь перарывалася: новыя дэталі размовы з Трампам;
Украіна не павінна ў будучыні стаць плацдармам для нападзення;
Мінск накіраваны на паступовае наладжванне адносін з Вашынгтонам;
беларускае грамадства не падтрымае вызваленне бандытаў, якія "палілі і ўзрывалі";
Беларусь "хоць заўтра" арганізуе перагаворы Расіі і Украіны.